ARGAO 400 Na!

Gitambongan ni kongresista Pablo Garcia ug Gobernadora Gwen Garcia ang ika – 400 nga tuig nga kasumaran sa pagkatukod sa lungsud,atol usab sa kapistahan sa Patron sa Argao nga si Sr. San Miguel Arkanghel. Mitambong usab sa maong selebrasyon ang miyembro sa Presidential Management Staff nga si Sec. Cerge M, Remonde ug ang iyang pinalanggang asawa.

Si Mayor Edsel A. Galeos sa pag-abli sa Argao 400 selebrasyon;ang misa nga gitambongan sa libo-an ka mga Argawanon atol sa pista.Midagan sa napulo ka adlaw ang pagsaulog sa kasumaran sa lungsod niadtong 1608.

Gisugdan ang selebrasyon sa Santos nga misa. Gisundan kini sa pagdagkot sa “centennial flame” sa Puerta Marina. Ang mga pinasidunggang dinapit nga sila si Sec. Cerge M. Remonde, Congressman Pablo Garcia ug Gov.Gwen Garcia ang nanguna sa pagdagkot niini. Unang nihatag sa iyang mensahe si Mayor Edsel A. Galeos, nga gisundan sa mga halangdong bisita. Mapasalamaton si Mayor Galeos sa mga lungsuranon nga misalig kaniya. Nahimuot si Congressman Pablo Garcia sa nakita niyang kausaban sa atong lungsod tungod sa paningkamot sa mga opisyales ug katawhan, inubanan sa iyang mga pagtabang ug pagtampo.. Midayeg usab si Gov. Gwen Garcia sa pag-ayuda sa mga ahensya sa gobyerno dinhi sa Argao.Matud niya nga dako na kayo ang kalambuan sa atong lungsod, gikan sa mga kadalanan ngadto sa bag-ong coliseum, ang Diosdado Macapagal Sports and Cultural Center.

Pormal nga gideklarar sa mga bisita ang ARGAO 400, pinangunahan ni Sec.Cerge M. Remonde. Misunod dayon ang “torch parade” ug street dancing gikan sa simbahan padulong sa bag-ong coliseum

Misalmot sa parade ang nagkadaiyang mga ahensya sa gobyerno ug mga tunghaan.Human sa parade, gi-inugorahan ang Pres. Diosdado Macapagal Sports and Cultural Center. Nangulo sa ribbon-cutting sila Sec. Cerge M. Remonde, Congressman Pablo Garcia, Gov. Garcia, Mayor Galeos ug Bise-Mayor Azucena Sesaldo. Ang mga dinapit Gov.Gwen Garcia, Hon. Pablo Garcia, Sec. Cerge M. Remonde and Mrs. Marit Remonde

Ang Kora Paruko nga si Msgr. Jose F. Montecillo ang nangulo sa blessing ceremony sa coliseum. Atol usab sa selebrasyon, gilunsad ang basahon sa kasaysayan sa Argao, ang “Argao 400 Years in Legend and History ” nga tinagik ni Todd Lucero Sales.

Gilunsad usab ni VIP “choy” Semilla ang WI-MAX, ang pinakabag-ong teknolohiya sa komunikasyon sa atong lungsod. Matud niya na pinaagi niini, libre na ang atong tawag sa gawas sa nasud gamit lamang ang atong telepono ug kompyuterkay konektado man kini sa Munisipyo sa Argao.

Ang Comparza ang mihuman sa kalihukan sa unang adlaw sa kasaulogan. Usa kini ka-pasundayag bahin sa kaagi sa Argao na gisalmutansa tunghaan sa atong lungsod.

Sa ika duhang adlaw sa selebrasyon, gipasundayag ang Mr. & Ms. Argao Centennial, ingon man ang NITE sa Cebu State College of Science & Technology- Agro-Industrial and Forestry Campus ( CSCST-AIFC)

Ginganlag Mithi ug Bahandi sa Argao ang nasunod nga NITE, ubos sa direksyon ni Mr. Aljin Abaquita. Misunod ang Espactaculo Diversos nga gipasundayag sa taga Papa’s Grill Band, ubos sa pagpaningkamot sa mga barangay sa lungsod.

Pagkasunod gabii,gipasundayag ang Glimpses of the Past, ubos sa mga National Agencies. Gikuha nila ang mga taga University of San Carlos (USC) para mupasundayag.Sunod nga mihatag ug kalingawan ang sikat nga novelty singer na si Max Surban, ubos sa mga pag-paningkamot sa mg traysikad drayber.Ang Song and Dance Extravaganza sa University of the Visayas, ubos sa pagpangusog sa DepEd I & II Public and Private School. Gisundan kini sa Halad Garbo sa Argao Karon,pasundayag sa Sangguniang Kabataan & Argawanon Youth Organization ubos sa paningkamot ni SK President Richard Delos Reyes.

Misunod ang Garbo 400 Dinner & Awards Nite, diin pito (7) kabuok ang napasidunggan nga Posthumous Awardee, 45 ang nakadawat sa Most Outstanding Argawanon Award ug walo (8) ang nakadawat sa Most Intitutional Award. Kini gipahigayon sa bag-ong coliseum.

Human sa Awards Nights, misunod ang SAD-SAD sa Argao, nga gipahigayon gihapon sa bag-ong coliseum. Mapasigarbuhon si Mayor Galeos sa kalampusan ug kalinaw sa mga kalingawan sa pista.

Mga hulagway sa ubang mga pasundayag: